شقحا والذيب

بسم الله الرحمن الرحيم
السلام عليكم ورحمه الله وبركاته
شخباركم عساكم بخير !!؟..
الموهيم ...
حبيت اكتب لكم اليوم قصه عن شقحا والذيب واتمنى انها تعجبكم
يلا نبدا ...
كان في مكان من الاماكن وفي وقت من الاوقات
كان فيه بنوته صغيرونه اسمها شقحا صغيرونه
امها ارسلتها عند جدتها تودي لها اغراض
لان ماكان فيه احد يوصله لها غيرها هي
وراحت شقحا الحلوه لحالها واخوها كان يلعب بلشارع
مع احد من اخوياه شافها تمشي لحالها
عرفها من القطعه الحمرا اللي معلقتها فوق العبايه
(( كنها باتمان ))
وراح اخوها يلحقها << ليه يلحقها
<< ليه تبونها تمشي من دون محرم يؤ يؤ يؤ يؤ يؤ
الموهيم ..
وهي تمشي تمشي تمشي تمشي ....
فجاءه !....
سمعت صوت وراها التفتت لقته الذيب
(( الذيب اللي نقصده بلعاميه ))
وهي جت بتهرب الا تسمع صوت وراها يقولها ...
هلا
<< ميانه
ورمى الرقم
<< ماعليه شرهه ذيب ومعه الجنسيه السعوديه
استغربت وقالت :
هلا بعينك عمت عينك انشاءلله
وقالها وهو يعدل شماغه :
افتحي البلتوث ..
وناظرت فيه للحظات .. وابتسمت اخيرا ... ودخلت يدها داخل شنطتها ...وطلعت ساطور ...
وقالت :
تبيني افتح راسك !!؟
واخترع الذيب وقالها :
سعال اخير
قالت :
خير يامال الوجع
قالها :
وشلون لابسه عباه حمرا ؟؟!
قالت :
عشان يوم الفلنتايم ... عشان اسمي شقحا الحمرا يالثور ...
قالها :
باي ذا وي ...
<<< ذيب متحضر يعرف عنجليش ...
قالها :
اعرف طريق ازين من هذا... طريق يمر بالمحل ابو ريالين...

عاد شقحا على طول خقت طريق يوديها ابو ريالين ...
وقالت:

من وين.. عطني الوصف...

وطلعت من مخباتها بوكت بي سي.. << متطوره..
وكتبت الوصف
وقالت له وهي تتلفت:

يالله عاد ظف وجهك زوتها... <<< ام الاسلوب..
الموهيم ..
مرت شقحا على السوق ونست تروح لجدتها وضاع الوقت...

وهي تمشي وتجمع في هالمواعين
<< عاد كل شي الا مواعين ابو ريالين كل الحريم يخقون عليها...

تحس المسيجديات
>>> اسم النعال العرابجه
تلزق براسها... فتلتفت الا وتشوف اخوها بايده المسيجديات الثانية وفي طريقها للانطلاق ... ولكن للاسف.. ما امدها تنحاش وخش سيدا بخشتها وقبل ما تطيح المسيجديات بالارض مسكها من ظفايرها وسحبها ..

ويوم انهم برا المحل صرخ فيها وقال:

وين رحتي يا مال الوجع... دقت علي اميمتي حصة بيجر...
<<< تطور اخته معها بوكت بي سي وهو بيجر... ايام... ايام كان للمرأة دور كبير في الحضاره..

قالت وهي تصيح وتعيد تظفير كشتها ... :
قالو الطريق هذا ازين من الاول.. ويوم مشيت لقيت فيه ابو ريالين...اخوها:
منهم اللي قالو... ليكون كلمتي رجال..
شقحا :
لا... لالالالا
اخوها :
اجل قدامي اوصلك لجدتك...

ووصلت شقحا لبيت جدتها.. وتركها اخوها من عند باب بيتها..

ودخلت وهي تسحب كيس المواعين... وتنادي..
اميمتي حصة... اميمتي حصيصة ..

الا وتجيها الشغالة اللي من جزر القمر تشبه صورة صدى الكيرم اللي حطها فاقد..

وبعد ما تعوذت شقحا من ابليس خوفا انها ابليس متنكر.. لانهم يقولو انه يسكن كل شي اسود..
الشغاله:
- بغدون... <<< شغالتهم تتكلم فرنسي..
شقحا :
وعليكم... وين ماما هسة..
<< حصة.. ما نكلم الشغالات الا وكأننا هنود مقعدين..
الشغاله:
في غرفة حق هيا...
شقحا :
وش تسوي...
الشغاله:
ما في مألوم ... يمكن نوم ..
شقحا :
وليش ما في معلوم.. احنا وشوله جبناكي من بلاد مال انتي.. مو عشان يصير معلوم... يالله ظفي خشه حق انتي...

وتتركها وتروح لغرفة حصوص... وتطق الباب..
الجده (( اقصد الذيب ))
ميييييييييييييييييين... ؟؟

استغربة شقحا ... في العادة تسمع الجملة المعهودة...

(( يا مال الوجع الباب مفتوح))

قالت وهي تضحك وتفتح الباب.. يمكن تتدلع..

واول ما دخلت شمت ريحة حنا وكراث ومعمول
<< مب معمول لوزين.. معمول الدخون اللي يبخرو فيه غرف التشريح في جامعة سعود..
<<صارت سالفة..
الموهيم...
تدخل وبيدها كيس الفقع..
شقحا :
سمي... جبت لكي فقع معاي من الطريق...

يوم قربت من جدتها ناظرت...

كان الذيب اللي شافته في الطريق هو اللي منسدح على السرير..
ضحكت على بالها جدتها تستهبل معها...
وقالت:

يمه.. وراه ما تروحين معي يوم للكوافيرة نسوي لك حلاو ولا شمع...
الجده :
هيهيههههي.. هو.. تبيني انا اشيل حلاوة... هذا اللي ناقص..
شقحا :
طب وراه ما نوديكي لبنان نسويلك عمليات تجميل..
الجده (( اقصد الذيب )) :
ههيهيههههي.. اقول وراه ما تروحي تحطي الصفرة انا جيعان..
شقحا :
اقول وش جيعان.. ترى عرفت من زمان انك اميمتي حصة... خلاص يكفي تمثيل..

ناظر فيها الذيب وقال وهو يطلع سنونه...
وقال :
اجل حتى جدتك عندها هالسنون...
شقحا :
اميمتي... خلاص عاد لا تزوديها..

وقامت طبت في كرشة الثعلب تحاول فتفصخ قناعه على بالها جدتها...

الا وتسمع صوت في دولاب الملابس...

تقوم وتفتح الباب الا وتطلع جدتها..

وتصرخ شقحا:

يلهووووووووووووووويييييييييييييييييييييييييييييييي ي
<<< تأثر بالمسلسلات...
اجل طلعت ذيب حقيقي...
قولي ق...

ق ر أ.... قرأ... <<< مصالة للمرة الثانية..
شقحا :
طب وشوله ما اكلت جدتي..

كفختها جدتها وقالت...
وهذا سؤال... تبينوه ياكلني...

قال الذيب اللي قام من فوق السرير عشان يتعشى..

عشان اكل مرة وحدة... ماحب اكل على دفعتين..
<<< ما لقت سبب..

الا ويصفق الباب... يلتفت الذيب ويشوف الشغالة... ويروح فيها...

يمه... يربون ابليس عندهم في البيت...

ويلقط نفسه ويهج...
ومن يومها وهم يسمون الشغالة...
((مخرعة مان))
<< على وزن سوبر مان..


وطوطة طوطة خلصت الحدوطة...

وككككككككك
.
.
.
احدى تأليفآتي
اختكم
روح الجوري